Cynhelir CLWB GOFAL TYWI yng Nghlwb Rygbi Llandeilo, Cae Wiliam rhwng 8.30am a 5.30pm am 4 wythnos yn dechrau ddydd Llun, 26 Gorffennaf 2010 tan 20 Awst 2010. Bydd y clwb, a fydd yn cael ei gynnal drwy gyfrwng y Gymraeg, yn agored i blant 4-11 oed yr ardal a bydd lle i 32 o blant yno. Cost ddyddiol y clwb fydd £14.00 y plentyn a bydd tâl cofrestru cychwynnol o £2.00 y pen. I archebu lle cysylltwch â Lynette Thomas ar (01558) 825336 neu lynettethomas@menterbrodinefwr.org.

Mae Mentrau Iaith Cymru a'i bartneriaid wedi llwyddo i sicrhau cyllid i ymestyn cynllun Menter Patagonia am flwyddyn arall. Mae'r cynllun yn creu cyfleon i drigolion ardal Camwy ac ardal yr Andes i ddefnyddio'r Gymraeg mewn nifer o sefyllfaoedd diddorol a hwylus.
Ceir wybodaeth am y swyddi newydd yn adran Swyddi y wefan hon ac ar wefan www.menterpatagonia.org.

Mae grŵp o bobl ifanc brwdfrydig o Abertawe wedi bod yn gweithio gyda’u cyfoedion yng Ngogledd Cymru, Gweriniaeth a Gogledd Iwerddon ar gynllun cyfnewid rhyng-ddiwylliannol. Bydd y bobl ifanc yn archwilio tebygrwydd a gwahaniaethau o safbwynt hunaniaeth mewn meysydd fel diwylliant, iaith, crefydd a’r syniad o berthyn o fewn y gymuned Geltaidd.

Fel rhan o Gynllun Cyfnewid Ieuenctid y 4 Cornel, mae’n fwriad i drefnu cyfres o ymweliadau rhwng grwpiau o bobl ifanc o Abertawe, Conwy - Gogledd Cymru, Dinas Corc - Gweriniaeth Iwerddon a Swydd Down yng Ngogledd Iwerddon.

Mae grŵp o 10 o bobl ifanc o Abertawe sydd rhwng 14-21 oed yn ymwneud a’r bartneriaeth ar ôl trefniadau rhwng Gwasanaeth Ieuenctid Cyngor Dinas a Sir Abertawe a Menter Iaith Abertawe; byddant yn ymweld a Belffast ar Orffennaf y 4ydd ar ran gyntaf y daith gyfnewid.

Mae Menter Iaith Sir Y Fflint ac Urdd Gobaith Cymru eisiau gael pawb ar eu traed yn dawnsio yng ngŵyl gerddorol Y Ffin! Mae Glastonbury gogledd-ddwyrain Cymru yn dod i Dreffynnon. Ar Orffennaf 24ain bydd Gerddi’r Tŵr yn cynnig llwyfan i rai o fandiau fwyaf ar y sin cerddoriaeth Cymraeg.
Mae’r fenter iaith a’r mudiad ieuenctid fwyaf yng Nghymru yn dod a charnifal cerddorol i Dreffynnon i hybu bandiau roc, blues, pop a pync Cymraeg.
Ymhlith y bandiau eraill a fydd yn diddanu’r gynulleidfa yn ystod y gwŷl AM DDIM yw Derwyddon Dr Gonzo, Racehorses, Masters in France, Yucatan a Brigyn. Ewch i www.yffin.co.uk i weld pawb bydd yn chwarae, ac am ychwaneg o wybodaeth.

Fe fydd cynllun chwarae newydd sbon yn dechrau yn Ysgol Rhys Prichard Llanymddyfri, rhwng 8.30am a 5.30pm am 4 wythnos yn dechrau ddydd Llun, 26 Gorffennaf 2010 tan 20 Awst 2010. Bydd y clwb, a fydd yn cael ei gynnal drwy gyfrwng y Gymraeg, yn agored i blant 4-11 oed yr ardal a bydd lle i 16 o blant yno. Prif bwrpas y cynllun yw chwarae. Cost ddyddiol y clwb fydd £10.00 y plentyn a bydd tâl cofrestru cychwynnol o £2.00 y pen. I archebu lle cysylltwch â Lynette Thomas ar (01558) 825336 neu lynettethomas@menterbrodinefwr.org

Ers blwyddyn bellach mae Menter Iaith Conwy, mewn partneriaeth gyda Cymunedau’n Gyntaf. Wedi bod yn rhedeg clwb Syrffio i Gymry Cymraeg ym Mhen Llyn a Môn ar gyfer pobl ifanc o’r ddwy ardal ynghyd a Chonwy.
Ond eleni penderfynwyd mentro i amgylchedd hollol wahanol sef i’r mynydd ac yn bwysicaf fyth, i’r Eira ar y mynyddoedd. Trwy gymorth ariannol oddi wrth Arian i Bawb cynllun o dan Gronfa’r Loteri Fawr a Cyngor Chwaraeon Cymru, llwyddwyd eleni i ymestyn gweithgareddau y clwb i gychwyn Eirafyrddio (Snowboarding). Cawsom gymorth ymarferol gan Simon sy’n gweithio i’r Bartneriaeth Awyr Agored. Cawsom lawer o gymorth oddi wrth siop “Menai Ski and Outdoor” ym Mhorthaethwy i gael gafael ar yr offer bwrpasol.
Ar nos Fawrth y 4 o Fai daeth 14 o ieuenctid o Ynys Môn a Chonwy at ei gilydd i drio eirafyrddio am y tro cyntaf. Cynhaliwyd y sesiwn ar lethr sgïo John Nike yn Llandudno.
Dywedodd Bedwyr ap Gwyn o Menter Iaith Conwy;
“Mae’n bwysig fod y math yma o gyfleon i gael yn Gymraeg, ynghyd a gweithgareddau awyr agored yn gyffredinol, gan fod yna gymaint o brinder siaradwyr Cymraeg yn gweithio yn y maes. Rydym yn gobeithio rhwng eirafyrddio a syrffio y byddwn yn cynnal clwb byrlymus gan drefnu tripiau i syrffio ac eirafyrddio.”
Mi fydd y clwb yn cwrdd yn aml trwy’r flwyddyn, am fwy o wybodaeth ffoniwch Bedwyr ap Gwyn ar 01492 642 357 neu ebostio: bedwyr@menteriaithconwy.cymru247.net

Brynhawn dydd Gwener 11eg o Fehefin fe wnaeth criw o bobl ifanc Ysgol Dyffryn Conwy, Llanrwst o dan arweiniad Menter Iaith Conwy ar Urdd, gymryd rhan mewn taith gerdded noddedig i fyny Carnedd Gwenllian sydd yn un o’r 14 copa uchaf yng Nghymru. Cafodd y mynydd yma a oedd dan yr enw Carnedd Uchaf ei ailenwi yn Carnedd Gwenllian yn 2009 er mwyn cofio am y Dywysoges Gwenllian.

Roedd hi’n Dydd Cenedlaethol er mwyn cofio Tywysoges Gwenllian, dydd Sadwrn y 12fed o Fehefin. Merch i Llywelyn ein llyw olaf oedd Gwenllian, a pan fu farw Llywelyn fe wnaeth brenin Lloegr garcharu Gwenllian yn Sempringham gan mai hi oedd yr unig etifedd a allai fod wedi rheoli Cymru ar ôl marwolaeth Llywelyn. Yno y bu Gwenllian ar hyd ei oes a bu farw yn 1337.

Bu Iwan Williams a Sian Lewis yn rhoi tystiolaeth ar ran Mentrau Iaith Cymru i Bwyllgor y Cynulliad ar Ddeddf yr Iaith Gymraeg.
Gallwch weld y drafodaeth ar www.senedd.tv